Er fluttur héðan.

 Er kominn hingað.

Sælt verði fyrir fólkið og gleðilegt nýtt ár og takk fyrir það gamla.

 Síðasta árið var bara eins og flest undanfarin ár. Vinna, dómgæsla og dunda sér yfir engu.

Undir lok síðasta árs, nánar tiltekið á milli jóla og nýárs var pabbi greindur með krabbamein og er hann byrjaður í meðferð gegn því og reiknað með að þetta ferli taki 4-6 mánuði.

Það stefndi allt í nýja og spennandi tíma í vinnuni á strýtu á nýju ári en síðan kom reiðarslag yfir okkur í gær þegar stjórn Samherja tilkynnti að þeir ætla að loka Strýtu og verður síðasti vinnsludagurinn í verksmiðjunni í kringum 20. mars. Þvílik synd og nú hefst leit að nýrri vinnu eftir páska.

hef lítið annað að segja í bili.

Jæja, er ekki kominn tími á eitt blogg eða svo, er að verða lélegri bloggari en frænka mín hún Hafrún.

Nú styttist í ferðina til Manchester en hópurinn fer út á föstudaginn næsta frá Keflavíkurflugvelli. Planið var að fara og horfa á leik Liverpool og Fulham á laugardaginn. En í dag duttum við í lukkupottinn, þar sem búið er að færa leik Manchester utd - Blackburn fram á sunnudag útvegaði Lúvík á Úrval Útsýn okkur miðum á þann leik þannig að nú förum við á tvo leiki. Lúðvík á hrós skilið fyrir þetta afrek. Nú fer maður að verða spenntur fyrir þessari ferð.

 Í dag fékk ég aðra góða frétt en nú var það frá KSÍ en í dag var það gefið út að ég fékk hækkun hjá þeim. Nú er ég orðinn landsdómari hjá þeim en var héraðsdómar í sumar. Nú er ég orðinn landsdómari C. Nú verð ég bara að halda áfram að gera góða hluti og þá næ ég vonandi í A hópinn innan nokkurra ára.

En vondu tíðindin sem ég fékk á mánudaginn voru þau að ég mátti ekki skrá mig á dyravarðanámskeiðið sem nú er haldið á Akureyri. Þeir hjá Einingu-Iðju sögðu að ég væri orðinn of seinn að skrá mig. Þvílíkir bjánar. Nú verð ég að bíða í nokkra mánuði eftir því næsta.

En núna hef ég lítð að segja frá, set inn myndir um helgina af ferðinni út. fylgist með

Var á netvafri og rakst á merkilegan hlut á femin.is. En þar getið þið fundið líflínunúmer og spádómsnúrið ykkar.

Ég prófaði þetta og var þetta útkomman:

Líflínunúmerið þitt er 9
Þú ert hugsuður sem átt það til að týna þér í dagdraumum. Þú ert gædd(ur) innsæi og sýnir þörfum annarra samúð og nærgætni. Þú ert örlátur og góðhjartaður persónuleiki sem er alltaf til í að gera allt sem í þínu valdi stendur til að hjálpa þeim sem hafa þörf fyrir það. En farðu varlega í góðmennskunni og láttu ekki nota þig!

Spádómsnúmerið þitt er 8
Núna er rétti tíminn til að ná stjórn á lífi þínu og komast áfram. Þú þráir peninga, völd og áhrif meira en venjulega á þessum tímapunkti. Skipulegðu hlutina, nýttu hvert einasta andartak og mundu að hafa stjórn á tilfinningum þínum.

 Þið ættuð að prófa:

http://www.femin.is/life_path_number.asp

Fór í gærkvöldi ásamt vinum og vinkonum út að borða í gærkvöldi á Greifanum. Við vorum 9 í hópnum og var þetta alveg frábært. Þarna var fengið sér allur pakkinn, forréttur, aðalréttur og eftirréttur og verð ég að segja að hituð súkkulaðikaka með ís og rjóma er bara snilld á þessum stað. Mæli með að þið fáið ykkur svoleiðis næst þegar þið farið á Greifann.

Eftir að við fórum af Greifanum skruppum við á Kaffi Ak. og fengum okkur kakóbolla þar sem full langt var í að bíóið byrjaði, en við fórum á The kingdom og er sú mynd bara snilld.

Gærkvöldið var fínt og væri ég til að endurtaka þetta aftur seinna.

Nú sit ég fyrir framan sjónvarpið og bíð eftir að landsleikurinn hjá Íslandi byrji og verð ég nú að lýsa frati yfir myndinni sem nú er í gangi fyrir leik. Eldgömul mynd og fynnst mér skrítið að sýna svona mynd á þessum tíma.

En í kvöld verður bara rólegt framan af en mæsti síðan í vinnuna í sjallanum.

Lífið er dásamlegt.

Þá er búið að ganga frá greiðslu vegna utanferðar í haust. Nú er maðurinn á leið til Manchester borgar ásamt góðum hópi knattspyrnudómara af norðurlandi. Í svona ferð förum við einu sinni á ári.

Í ár var ákveðið að fara til Manchester og vera þar í fjóra daga. Meirihlutinn af hópnum mun samt renna yfir til Liverpoolborgar á laugardeginum til að horfa á leik Liverpool - Fulham á meðan restin verður eftir í Manchester og ætla þeir að horfa á leik Manchester vs Bolton. Auðvitað verð ég einn af þeim sem fara til Liverpool.

Núna bíður maður bara spentur þar sem vanalega í svona ferðum er fjör og gaman. Djammað fram á nótt.

Með þessari ferð tek ég auka dag í Reykjavík, til að heimsækja einhverja ættingja, en það kemur bara í ljós hverjir þeir verða.

Sælt verði fyrir fólkið.

Lítið hefur verið um að vera hjá mér síðustu daga. Haft það gott reyndar, ekkert farið í ræktina en ætli maður drullist ekki þangað eftir helgi.

Fór í gærkvöldi á Mongó ásamt Bjössa stóra og þar settumst við niður og horfðum á leik Sporting Lisbon og Manchester United. Lítið gerðist í þessum leik og á meðan leik stóð var ég nú bara að lesa Dagskránna, og ætli þetta sé ekki í fyrsta skipti sem ég les hana spjaldanna á milli.

Myndir frá ættarmótum sumarsins koma inn fljótlega, um leið og Sævar skilar mér tölvunni minni.

Jæja, ætli það sé ekki kominn tími á að setja inn eitt blogg hér á síðuna en langt er síðan maður bloggaði.

Sumarfríið í ár var tær snilld, slappað af í tæpar fjórar vikur og þar af var ein vika á Þórshöfn hjá honum afa gamla og reyndar það besta við að vera á Brúarlandi að ekkert er internetið og símasamband lélegt. Þannig að vera í kyrrðinni í sveitinni og enginn náði samband við mann var bara ljúft. Stefni á það að skreppa til Þórshafnar aftur í haust.

Fór í dag í verslunina Síðu en í dag er síðasti opnunardagur hjá Höskuldi og kl. 22 í kvöld verður hurðinni læst í síðasta skiptið og byrjað verður að rífa húsnæðið strax í næstu viku. En eitt skipulagsvitleysa hjá Akureyrarbæ en maður er stein hættur að skilja þá sem eru í meirihluta hér í bæ.

Nú eru komnar myndir inn á netið en þetta eru myndir úr ferð knattspyrnudómara til London og Kaupmannahöfn. Myndirnar er hægt að nálgast hér.

 En lifið heil.

Jæja, þá er ég loksins kominn í sumarfrí. Síðasti vinnudagurinn var í dag en verksmiðjan er lokuð í 4 vikur og ætli maður reyni nú ekki að slappa af næstu vikurnar. Er reyndar á leið til Þórshafnar á miðvikudaginn og ætla að vera þar í nokkra daga. Með viðkomu á Akureyri á föstudaginn.

Var á ættarmóti Hvömmunga í Skagafirði um helgina og skemmti mér konunglega á þessu móti.

Í þessum skrifuðum orðum er ég að horfa á beina útsendingu á visir.is En þar er í gangi björgunaraðgerðir en verið er að hífa TF-Sif upp úr sjónum. Þyrlan hrapaði í sjóinn í kvöld með fjórum mönnum en sem betur fer komust þeir allir lífs af.  

En annars hef ég ekki meira að segja í bili. 

Hafið það gott í sumar

Ps. Þór tapaði í kvöld fyrir KA 

Sælt verði fyrir fólkið.

 Nú erum við Akureyringar farnir að hafa áhyggjur af gróðrinum hér á svæðinu þar sem lítið sem ekkert hefur rignt hér undanfarnar vikur. Nú vonum við bara að það fari að rigna sem fyrst og þá helst í nokkra daga. Okkur veitti ekki af því.

En annars er lítið að frétta af manni, lífið gengur sinn gang og er ég ánægður með það.

Nú bíður maður bara eftir að komast í sumarfrí en það verður um miðjan júlí og ætla maður að slappa bara af þann mánuð sem fríið stendur yfir og meðal annars að skjótast suður yfir heiðar í nokkra daga og austur til Þórshafnar og vera þar í nokkra daga.

 En annars hafið það sem best

Jæja, er ekki kominn tími á smá blogg.

Það er reyndar allt of langt síðan að maður bloggaði síðast og vonandi verður ekki svona löng bið á það næsta. En alla vega frá því síðast er mikið búið að gerast.

Byrjum á því að Liverpool tapaði úrslitaleiknum í Meistaradeildinni í maí á móti AC Milan, var ekki gaman að horfa upp á það en ætli Liverpool verði ekki að leyfa öðrum liðum að vinna bikara.

Síðan hefur Hrafndís Bára farið hamförum í fjölmiðlaheiminum. En á tímabili var ekki sá fréttatími þar sem hún var í viðtalai eða hún nafngreind í sambandi við Kárahnjúka. En málið tegnist yfirgangi yfirmanna á Kárahnjúkum gegn undirmönnum sínum. Mér fanst Hrafndísi standa sig vel í þessu og styð hana heilshugar gegn þessum mönnum.

Vinnan gegnur sinn vanagang og einnig dómgæslan. Er nú þegar búinn að fá nokkur stór verkefni í sumar og vonandi verða þau fleiri það sem eftir lifir sumars.

17. júní er ný liðinn og var mikið um að vera hér í bæ. Bíladagar laðaði mikið fólk á flottum bílum í bæinn og virtist fólk skemmta sér frábærlega. Reyndar voru þó nokkuð um pústra í bænum og nóg að gera hjá lögreglunni. En í Sjallanum var mikið um manninn og yfir 800 mans voru í Sjallanum bæði föstudags og laugardagskvöld en fór það mestu leyti vel fram en reyndar var nóg að gera í dyrunum og hafði maður varla undan að hleypa fólki inn.

En eitt í sambandi við helgina síðust er að mínu ályti var það heimska af bænum að loka tjaldsvæðinu við Þórunarstræti og láta alla safnast saman á tjaldsvæðinu að Hömrum. Það voru mestu mistökin.

Kata Mæja útskrifaðist úr MA þann 17. júní og vill ég óska henni til hamingju með þann árangur, og Mæja, ég skutla þér aldrei aftur heim úr veislu hér í bæ.

Einnig ef minnið bregst ekki þá átt þú Klara afmæli í kringum 17 júní, man ekki alveg daginn en samt til hamingju með það.

Nú er komið 19. júní og tíminn þýtur áfram og gerir hann það allt of hratt.  Nú eru 195 dagar eftir af árinu sem þíðir að 188 dagar eru til Jóla. Það er ekki svona langt síðan að við vorum að fagna nýju ári. Er ekki hægt að hægja á lífinu?

Og að lokum, Hafrún

BJÓRINN ER Í ÍSKÁPNUM OG BÍÐUR.

Lifið heil 

Mistök á mistök ofan.

Þoli ekki að gera mistök 

Eitthvað virðist sumarið ælta að láta bíða eftir sér núna. Eftir góða tíð þar sem hitinn fór yfir 20°C, hefur nú heldur betur kólnað. Nú rétt í þessu var ég að koma af Cafe Karólínu og á labbi mínu tók ég eftir því að snjór var kominn niður hálfa hlíðarnar hérna í kring. En annars var gott veður, logn og hitastig um 5°C. Fallegt veður fyrir göngutúr.

En annars, nú er fótboltatímabilið hafið og við tekur hver leikurinn á fætur öðrum til að dæma. Ætli sumarið í sumar verði ekki eins og önnur undanfarin ár, verði bara hér á Akureyri og mun hafa það gott.  Er farinn að hlakka til helgarinnar 20-22 júlí en þá verður 10 ára reuninon frá Síðuskóla. Djöfull líður tíminn hratt. Mér finnst eins og það hafi gerst í gær þegar ég labbaði út úr Síðuskóla í síðasta skipti. Undirbúningur fyrir helgina er í fullum gangi og bíður maður spenntur eftir þessu.

Ég hef nú annars lítið að segja frá í augnablikinu, en vantar reyndar góðann nuddara.

Þar til næst, hafið það gott og ekki gera það sem ég myndi ekki gera. 

Hvað gerir venjulegt fólk þegar það kemur heim eftir vinnu, skóla og æfingu jafnvel?

Mér finnst þetta góð spurning, því nú í kvöld er ég búinn að sitja hérna í stofunni heima hjá mér og horfa út um gluggann. Veit reyndar ekki hvað ég á að gera. Í vetur hef ég getað eitt kvöldunum í að læra en nú er það búið.

En annars er lífið frábært um þessar mundir, reyndar eins og alltaf. En á laugardaginn síðasta var borin til grafar, ein skemmtilegasta manneska sem ég þekkti, en það var hún Jóhanna Aðalsteinsdóttir.

Jóhanna var frábær, gaman að tala við hana. Hún sagði ótal af sögum sem gaman var að hlusta á. Því miður komst ég ekki í jarðaförina sem var á Húsavík en allir segja mér að þetta hafi verið falleg útför.